ନବମ ଓ ଏକାଦଶ ଶ୍ରେଣୀ ପାଇଁ ସ୍କୁଲ୍ ବନ୍ଦ ରହିବ; ରାଜ୍ୟରେ କୋଭିଡ ସଂକ୍ରମଣ ବଢ଼ିଚାଲିଛି

News18 Odia Digital

ଭୁବନେଶ୍ୱର: ରାଜ୍ୟର ଶିକ୍ଷାନୁଷ୍ଠାନଗୁଡି଼କରେ ଧୀରେ ଧୀରେ କରୋନା କାୟା ବିସ୍ତାର କରିଚାଲିଥିବାରୁ ରାଜ୍ୟ ସରକାର ପଦକ୍ଷେପ ନେଇ ପ୍ରଥମ ପର୍ଯ୍ୟାୟରେ ନବମ ଓ ଏକାଦଶ ଶ୍ରେଣୀ ପାଇଁ ସ୍କୁଲ୍‌ ବନ୍ଦ ରହିବ ବୋଲି ଘୋଷଣା କରିଛନ୍ତି ।

ରାଜ୍ୟର ସବୁ ସରକାରୀ ଓ ଘରୋଇ ସ୍କୁଲରେ ନବମ ଓ ଏକାଦଶ ଶ୍ରେଣୀ ପାଇଁ ଶ୍ରେଣୀଗୃହ ପାଠପଢ଼ା ବନ୍ଦ କରିବାକୁ ଚିଠି କରିଛି ବିଦ୍ୟାଳୟ ଓ ଗଣ ଶିକ୍ଷା ବିଭାଗ । ରାଜ୍ୟରେ ବ୍ୟାପିଚାଲିଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ତୁରନ୍ତ ଏହି ଦୁଇ କ୍ଳାସ୍‌ ବନ୍ଦ କରିବାକୁ ଗଣ ଶିକ୍ଷା ବିଭାଗ ନିର୍ଦ୍ଦେଶ ଦେଇଛି ।

ଏହା ବି ପଢ଼ନ୍ତୁ | ଏବେ କରୋନା ଭାଇରସ୍ ସହ ‘ପଙ୍ଗା’ ନେବେ କଙ୍ଗନା ରାଣାୱତ; ଏପ୍ରିଲ୍ ୨୩ରେ ଆସୁଛି ‘ଥଲାଇଭି’

ହଷ୍ଟେଲରେ ରହୁଥିବା ପିଲାମାନେ ମଧ୍ୟ ହଷ୍ଟେଲ ଛାଡି଼ପାରିବେ ବୋଲି ଏହି ଚିଠିରେ ଉଲ୍ଲେଖ ରହିଛି । ଆବଶ୍ୟକ ପଡ଼ିଲେ ପୂର୍ବ ଭଳି ଏହି ଦୁଇ କ୍ଳାସ୍‌ ପାଇଁ ପାଠ ପଢ଼ା ଅନଲାଇନ୍‌ ମାଧ୍ୟମରେ କରିବେ ଶିକ୍ଷକଶିକ୍ଷୟିତ୍ରୀମାନେ । କିନ୍ତୁ ଦଶମ ଓ ଦ୍ୱାଦଶ ଶ୍ରେଣୀର ପାଠପଢ଼ା ପୂର୍ବ ଭଳି ଜାରି ରହିବ । ଏପ୍ରିଲ୍‌ ୨୫ ତାରିଖ ପର୍ଯ୍ୟନ୍ତ ଏହି ଦୁଇ ଶ୍ରେଣୀର ପାଠପଢ଼ା ଚାଲୁ ରଖିବା ନେଇ ସୂଚନା ଦିଆଯାଇଛି।



‘‘ନିଶ୍ଚିତ ଭାବେ ଭୟ ତ କେଉଁଠି ନା କେଉଁଠି ରହୁଛି । ଯେଉଁ ଭଳି ଭାବେ କରୋନା ବଢି଼ଚାଲିଛି ତାକୁ ଦୃଷ୍ଟିରେ ରଖି ସରକାରଙ୍କ ନିଷ୍ପତ୍ତି ସ୍ୱାଗତୟୋଗ୍ୟ । କୋର୍ସ ମଧ୍ୟ ପ୍ରାୟ ଶେଷ ହୋଇଆସିଥିଲା । ତେଣୁ ବର୍ତ୍ତମାନ ପାଇଁ ପାଠପଢ଼ା ବନ୍ଦ ରଖି ଅନଲାଇନ୍‌ କ୍ଳାସ କରିବାରେ କୌଣସି ଆପତ୍ତି ନାହିଁ,’’ କହିଛନ୍ତି ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଙ୍ଘ (ଓଷ୍ଟା) ସଭାପତି ପ୍ରକାଶ ଚନ୍ଦ୍ର ମହାନ୍ତି ।

ଏହା ବି ପଢ଼ନ୍ତୁ | ସାପ ଓ ନେଉଳ ମଧ୍ୟରେ ଘମାଘୋଟ ଲଢ଼େଇ… କିଏ ଜିତିବ? VIDEO ଭାଇରାଲ୍ ହେଲା; ଦେଖନ୍ତୁ

ଗତ ସପ୍ତାହକ ମଧ୍ୟରେ ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରେ କରୋନା ସଂକ୍ରମଣ ବୃଦ୍ଧି ପାଇଛି । ଆଇ.ଆଇ.ଟି.ରେ ୨୦, ଓ.ଡ଼ି.ଏମ୍. ସ୍କୁଲରେ ୨୦ଟି, କେନ୍ଦ୍ରୀୟ ବିଦ୍ୟାଳୟରେ ଗୋଟିଏ, ବିଜେବି କଲେଜରେ ଗୋଟିଏ ଓ ରମାଦେବୀ କଲେଜରେ ତିନୋଟି ସଂକ୍ରମଣ ମାମଲା ବର୍ତ୍ତମାନ ସୁଦ୍ଧା ସାମନାକୁ ଆସିଛି । ଏହାକୁ ନେଇ ସିଲିକନ ଇନଷ୍ଟିଚ୍ୟୁଟ୍‌ ଓ ହାପି କ୍ଳାସେଜ୍‌ ଭଳି ଶିକ୍ଷାନୁଷ୍ଠାନକୁ ସିଲ୍‌ କରାଯାଇଛି ଓ ସେଠାରେ ବି.ଏମ୍.ସି. ପକ୍ଷରୁ ରାଣ୍ଡମ ଟେଷ୍ଟ୍‌ କରାଯାଉଛି ।

ଏହା ବି ପଢ଼ନ୍ତୁ | ଅଭିଷେକ କହିଥିଲେ: ‘ମୋଷ୍ଟ୍‌ ବ୍ୟୁଟିଫୁଲ୍ ଐଶ୍ୱର୍ଯ୍ୟାଙ୍କୁ ବାହା ହୋଇ ଆଇନା ଦେଖିଲି, ଭୟଙ୍କର ଲାଗିଥିଲା’

ମେ ମାସରୁ ଉଭୟ ଦଶମ ଓ ଦ୍ୱାଦଶ ଶ୍ରେଣୀ ବୋର୍ଡ଼ ପରୀକ୍ଷା ଥିବାରୁ ଏବେ ପରୀକ୍ଷା ପରିଚାଳନା ସରକାରଙ୍କ ପାଇଁ ବଡ଼ ଚାଲେଞ୍ଜ ହେବ । ମାଟ୍ରିକରେ ପ୍ରାୟ ୬ ଲକ୍ଷ ପିଲା ମେ ୩ରୁ ପରୀକ୍ଷା ଦେବାକୁ ଥିବା ବେଳେ ମେ ୧୮ରୁ ଯୁକ୍ତ୨ରେ ପରୀକ୍ଷା ଦେବେ ୩ ଲକ୍ଷ ୪୮ ହଜାର ଛାତ୍ରଛାତ୍ରୀ । କୋଭିଡ କଟକଣା ସହ ପରୀକ୍ଷା ପରିଚାଳନା ଉପରେ ରହିବ ସଭିଙ୍କ ନଜର ।



ରାଜ୍ୟରେ କୋଭିଡ ସଂକ୍ରମଣ ବଢି଼ଚାଲିଛି । ଦେଶରେ ରେକର୍ଡ଼ ସଂଖ୍ୟକ ରୋଗୀ ଗୋଟିଏ ଦିନରେ ଚିହ୍ନଟ ହୋଇଥିବା ବେଳେ ରାଜ୍ୟରେ ବି କିଛି କମ୍‌ ନାହିଁ ରୋଗୀ ସଂଖ୍ୟା । ପ୍ରତି ଦିନ ୧୦୦ରୁ ଅଦିକ ନୂଆ ରୋଗୀ ଚିହ୍ନଟ ହେଉଛନ୍ତି ରାଜ୍ୟରେ । ଏହାକୁ ଦେଖି ବିଭିନ୍ନ ଜିଲ୍ଲାରେ ନାଇଟ୍‌ କର୍ଫ୍ୟୁ ମଧ୍ୟ ଲାଗୁ ହୋଇଛି ।