ନକ୍ସଲମାନେ ବନ୍ଧକ ଯବାନଙ୍କ ଫଟୋ ଜାରି କଲେ; ଭିଡିଓ କ୍ଲିପ୍ପ ଦେଖାଇବାକୁ ପିରିବାର ଲୋକଙ୍କ ଆବେଦନ

News18 Odia Digital
ବିଜାପୁର: ଛତିଶଗଡ଼ର ବିଜାପୁରରେ ନକ୍ସଲ ଏନକାଉଣ୍ଟର ପରେ ନିଖୋଜ ସୈନିକ ରାକେଶ୍ୱର ସିଂ ମାନହସଙ୍କ ଫଟୋ ପ୍ରକାଶ ପାଇଛି । ନକ୍ସଲମାନଙ୍କ ଦ୍ୱାରା ପ୍ରକାଶିତ ଏହି ଫଟୋ ସହିତ ଯବାନ ସୁରକ୍ଷିତ ବୋଲି ଦାବି କରାଯାଇଛି । ମାଓବାଦୀମାନେ ଏନକାଉଣ୍ଟରର ତୃତୀୟ ଦିନରେ କିଛି ସ୍ଥାନୀୟ ଗଣମାଧ୍ୟମ କର୍ମଚାରୀଙ୍କୁ କିଛି ଚିଠି ପ୍ରଦାନ କରିଥିଲେ ଓ ଚତୁର୍ଥ ଦିନରେ ନିଖୋଜ ଯବାନ ସେମାନଙ୍କ ଅଧୀନରେ ଥିବା ଦାବି କରିଥିଲେ । ନକ୍ସଲମାନେ ଚିଠିରେ ଲେଖିଛନ୍ତି ଯେ ଯବାନ ସୁରକ୍ଷିତ ଓ ସେମାନଙ୍କୁ ମୁକ୍ତ କରିବା ପାଇଁ ସରକାର ମଧ୍ୟସ୍ଥିଙ୍କ ନାମ ସ୍ଥିର କରିବା ଉଚିତ୍ । ଏହା ପରେ ବୁଧବାର ଦିନ ନକ୍ସଲମାନେ ଯବାନଙ୍କ ଫଟୋ ପ୍ରକାଶ କରିଥିଲେ ଓ ପୁନର୍ବାର କହିଥିଲେ ଯେ ଯବାନ ତାଙ୍କ ଅଧୀନରେ ସୁରକ୍ଷିତ ଅଛନ୍ତି ।

ନକ୍ସଲମାନଙ୍କ ଦ୍ୱାରା ପ୍ରକାଶିତ ଫଟୋରେ ସୈନିକ ଜଣକ ଏକ କୁଟୀରରେ ବସିଥିବାର ନଜର ଆସିଛନ୍ତି । ତେବେ ଏହି ଫଟୋରେ ତାଙ୍କ ସହିତ କିମ୍ବା ତାଙ୍କ ଚାରିପାଖରେ ଆଉ କେହି ଦେଖାଯାଉନାହାଁନ୍ତି । ଏଭଳି ପରିସ୍ଥିତିରେ ନକ୍ସଲମାନେ କୌଣସି ପୁରୁଣା ଫଟୋଗ୍ରାଫ୍ ପ୍ରକାଶ କରିନାହାଁନ୍ତି ତ ବୋଲି ମଧ୍ୟ ଭୟ କରାଯାଉଛି? ନିଖୋଜ ଯବାନଙ୍କ ସମ୍ପର୍କୀୟମାନେ ଏଭଳି ଆଶଙ୍କା ପ୍ରକାଶ କରିଛନ୍ତି ଓ ଯବାନଙ୍କ ଭିଡିଓ କିମ୍ବା କୌଣସି ଅଡିଓ କ୍ଲିପ୍ ରିଲିଜ୍ କରିବାକୁ ନିବେଦନ କରିଛନ୍ତି । କୋବ୍ରା ୨୧୦ ବାଟାଲିଅନର ରାକେଶ୍ୱର ସିଂ ମାନହସ୍ ତାରାମ ଏନକାଉଣ୍ଟର ପରେ ନିଖୋଜ ହୋଇଯାଇଛନ୍ତି । ନକ୍ସଲମାନେ କ୍ରମାଗତ ଭାବରେ ରାକେଶ୍ୱର ସିଂଙ୍କୁ ନିଜ ଅଧୀନରେ ରଖିଥିବା ଦାବି କରୁଛନ୍ତି ।

୨୨ ସୈନିକଙ୍କ ଶହୀଦ
୩ ଏପ୍ରିଲରେ ବିଜାପୁରର ତରେମ ପୋଲିସ ଷ୍ଟେସନ ଅଞ୍ଚଳରେ ସୁରକ୍ଷା ବାହିନୀର କର୍ମଚାରୀ ଓ ନକ୍ସଲମାନଙ୍କ ମଧ୍ୟରେ ଏନକାଉଣ୍ଟର ହୋଇଥିଲା । ଏଥିରେ ୨୨ ଜଣ ସୈନିକ ସହିଦ ହୋଇଥିଲେ । ଏହା ବ୍ୟତୀତ ୩୧ ଜଣ ସୈନିକ ଆହତ ହୋଇଥିଲେ ଓ ଜଣେ ଯବାନ ନିଖୋଜ ହୋଇଯାଇଥିଲେ । ନିଖୋଜ ଯବାନଙ୍କ ସନ୍ଧାନରେ ସର୍ଚ୍ଚ ଅପରେସନ ଚାଲିଛି । ତେବେ ନକ୍ସଲମାନେ ଯବାନଙ୍କୁ ମୁକ୍ତ କରିବା ପାଇଁ ଆଲୋଚନା ପାଇଁ ପ୍ରସ୍ତୁତ ହେବାକୁ କହୁଛନ୍ତି ।