ସାରା ଅଲି ଖାନ୍ ନିଜ ଭାଇ ଇବ୍ରାହିମଙ୍କ ସହ ସୁନ୍ଦର ଫଟୋ ସେୟାର କଲେ, ଛୋଟ ବାର୍ତ୍ତା ଲେଖିଲେ

ମୁମ୍ବାଇ: ଗତ କିଛି ସପ୍ତାହ ମଧ୍ୟରେ ଅଭିନେତ୍ରୀ ସାରା ଅଲି ଖାନଙ୍କ (Sara Ali Khan) ଜୀବନରେ ଅନେକ ଅସୁବିଧା ଆସିଛି । ଡ୍ରଗ୍ସ ମାମଲାରେ ତାଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ତଦନ୍ତର ସମ୍ମୁଖୀନ ହେବାକୁ ପଡ଼ିଲା, କିନ୍ତୁ ଏବେ ସେ ଏହି ସବୁ ଟେନସନରୁ ବାହାରି ଆସିଛନ୍ତି ।

ସାରା ଓ ତାଙ୍କ ଭାଇ ଇବ୍ରାହିମ ଅଲି ଖାନ (Ibrahim Ali Khan) ପାରମ୍ପାରିକ ଶୈଳୀରେ ଭାଇଚାରାର ଉତ୍ସବ ‘ଭାଇ ଦୁଜ୍‌’ ପାଳନ କରିଥିଲେ । ସାରା ନିଜ ଭାଇଙ୍କ ସହ କିଛି ଫଟୋ ସେୟାର କରିଛନ୍ତି । ସାରା ଏକ ନୀଳ ଓ ସୁନେଲୀ ରଙ୍ଗର ସୁଟ୍ ପିନ୍ଧିଥିବା ବେଳେ ଇବ୍ରାହିମ ଏକ କ୍ରିମ୍ ରଙ୍ଗର କୁର୍ତ୍ତା-ପାଇଜାମା ପିନ୍ଧିଥିଲେ । ପର୍ବ ଦିନ ଭାଇ ଓ ଭଉଣୀ ଏକତ୍ର ବହୁତ ଆକର୍ଷଣୀୟ ଦେଖାଯାଉଥିଲେ ।

ଏହି ଫଟୋଗୁଡ଼ିକ ସାରା ଅଲି ଖାନ ଓ ତାଙ୍କ ଭାଇ ଇବ୍ରାହିମ ଅଲି ଖାନଙ୍କ ମଧ୍ୟରେ ଦୃଢ଼ ବନ୍ଧନକୁ ଦର୍ଶାଉଛି । ଫଟୋଗୁଡ଼ିକୁ ସେୟାର କରିବା ସହିତ ସାରା ନିଜ ସମସ୍ତ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି ।

ସାରା ଫଟୋ ସେୟାର କରି ଲେଖିଛନ୍ତି, ‘‘ସବୁ ଭାଇ ଓ ଭଉଣୀମାନଙ୍କୁ ‘ଭାଇ ଦୁଜ’ ପର୍ବର ଶୁଭକାମନା । ଇବ୍ରାହିମ, ମୁଁ ତୁମକୁ ବହୁତ ମିସ୍‌ କରୁଛି । ତୁମକୁ ହଇରାଣ କରିବା ପାଇଁ ମୁଁ  ଆଉ ବେଶୀ ଅପେକ୍ଷା କରିପାରୁ ନାହିଁ!’’

ଡ୍ରଗ୍ ମାମଲାରେ ନିଜ ନାମ ଆସିବା ପରେ ସାରା ସୋସିଆଲ ମିଡ଼ିଆରୁ କିଛି ଦିନ ଦୂରେଇ ରହିଥିଲେ । ସେ କୌଣସି ପୋଷ୍ଟ ସେୟାର କରି ନ ଥିଲେ ।

ବର୍ତ୍ତମାନ ସାରା ପୂର୍ବ ପରି ସୋସିାଲ ମିଡ଼ିଆରେ ପୁଣି ସକ୍ରିୟ ଅଛନ୍ତି । ତେଣୁ ତାଙ୍କ ପ୍ରଶଂସକମାନେ ବହୁତ ଖୁସି ଅଛନ୍ତି । ସାରା ଅଲି ଖାନ ନିଜ ଆଗାମୀ ଚଳଚ୍ଚିତ୍ର ‘ଅତରଙ୍ଗୀ’ରେ ନଜର ଆସିବେ ।

‘ଅତରଙ୍ଗୀ’ ଫିଲ୍ମରେ ଦର୍ଶକମାନେ ସାରା ଓ ଧନୁଷଙ୍କ ଏକ ନୂଆ ଯୋଡ଼ି ଦେଖିବାକୁ ପାଇବେ । ଏହି ଫିଲ୍ମରେ ଅକ୍ଷୟ କୁମାର ବି କାମ କରୁଛନ୍ତି ।