ସୋନୁ ସୁଦ ଏକ ଫାଷ୍ଟଫୁଡ ସେଣ୍ଟର ଭିଜିଟ କରି ନିଜ ପ୍ରଶଂସକଙ୍କୁ ଆଶ୍ଚର୍ଯ୍ୟ ଚକିତ କରାଇଲେ; ଦେଖନ୍ତୁ ଫଟୋ

ହାଇଦ୍ରାବାଦ: ବଲିଉଡ ଜଣାଶୁଣା ତାରକା ସୋନୁ ସୁଦ ହାଇଦ୍ରାବାଦରେ ନିଜ ପ୍ରଶଂସକ ଅନିଲ କୁମାରଙ୍କ ଦ୍ୱାରା ପରିଚାଳିତ ଏକ ଫାଷ୍ଟଫୁଡ ସେଣ୍ଟର ଭିଜିଟ କରି ତାଙ୍କୁ ଆଶ୍ଚର୍ଯ୍ୟ ଚକିତ କରାଇଲେ । ସୋନୁ ସୁଦଙ୍କ ସେବା ଦ୍ୱାରା ଅନୁପ୍ରାଣିତ ହୋଇ ଅନିଲ ବେଗୁମ୍ପେଟରେ ଏକ ଫାଷ୍ଟଫୁଡ୍ ସେଣ୍ଟର ଚଳାନ୍ତି ଓ ଏହାର ନାମ ଲକ୍ଷ୍ମୀ ସୋନୁ ସୁଦ ରଖିଛନ୍ତି ।

ସୋସିଆଲ ମିଡିଆ ମାଧ୍ୟମରେ ନିଜ ପ୍ରଶଂସକ ବିଷୟରେ ଜାଣି ସୋନୁ ସୁଦ ଏଠାରେ ପହଞ୍ଚିଥିଲେ । ସେ ଫାଷ୍ଟଫୁଡ ସେଣ୍ଟରକୁ ଆସି ଅନିଲ କୁମାରଙ୍କୁ ଆଶ୍ଚର୍ଯ୍ୟ କରାଇଦେଇଥିଲେ । ସୋନୁ ସୁଦ ଅନିଲଙ୍କ ଦ୍ୱାରା ପ୍ରସ୍ତୁତ ଭଜା ଚାଉଳର ସ୍ବାଦ ଚାଖିଥିଲେ ଓ ତାଙ୍କର ଏହି ଉଦ୍ୟମକୁ ପ୍ରଶଂସା କରିଥିଲେ । ଏହା ସହିତ ତାଙ୍କ ବ୍ୟବସାୟରେ ଏକ ଉଚ୍ଚ ସ୍ତରରେ ପହଞ୍ଚିବାକୁ କାମନା କରିଥିଲେ ।<br />

"ଏହା ଦେଖି ମୁଁ ବହୁତ ଖୁସି । ମୁଁ ଭଜା ଚାଉଳର ସ୍ବାଦ ଚାଖିଛି ଓ ମୋର ବିଶ୍ୱାସ ଯେ ହାଇଦ୍ରାବାଦର ସର୍ବୋତ୍ତମ ଫାଷ୍ଟଫୁଡ ଏଠାରେ ପ୍ରସ୍ତୁତ ହେବ । ମୁଁ ଅନିଲଙ୍କ ସମସ୍ତ ସଫଳତା କାମନା କରୁଛି," କହିଛନ୍ତି ସୋନୁ ସୁଦ । ସେ ପ୍ରକାଶ କରିଛନ୍ତି ଯେ ସେ ଶୀଘ୍ର ସିଦ୍ଧଦୀପ ପରିଦର୍ଶନ କରିବେ ଯେଉଁଠାରେ ଗ୍ରାମବାସୀ ତାଙ୍କ ପ୍ରତିମୂର୍ତ୍ତି ସ୍ଥାପନ କରୁଛନ୍ତି ।<br />

ସୋନୁଙ୍କ ଗସ୍ତରେ ଅନିଲ ଉତ୍ସାହିତ ହୋଇ କହିଛନ୍ତି, "ମୁଁ କେବେ ଆଶା କରି ନଥିଲି ଯେ ସୋନୁ ମୋ ଷ୍ଟଲକୁ ଭିଜିଟ କରିବେ । ମୁଁ ବହୁତ ଖୁସି । ମୋର ବ୍ୟବସାୟ ତାଙ୍କ ନାମରେ ଭଲ କରୁଛି ଓ ତାଙ୍କ ଗସ୍ତରେ ଏହା ବୃଦ୍ଧି ପାଇବ ।"